१४-मंसिर दाङ/ तुलसीपुर चेम्बर अफ कमर्सले (तुलसीपुर महोत्सव २०७८) लगाउने भएको छ । तुलसीपुर चेम्बर अफ कमर्सले पुसको १ गतेदेखि १२ गतेसम्म तुलसीपुरमा (तुलसीपुर महोत्सव २०७८) संचालन गर्ने तयारी गरेको साेमबार पत्रकार सम्मेलन मार्फत जानकारी गराएकाे हाे । महोत्वसको लागि स्थानीयतहदेखि जिल्ला प्रशासन कार्यालयबाट स्विकृती लिई सकेको चेम्बरका अध्यक्ष टोप बहादुर घर्तीले पत्रकार सम्मेलन मार्फतजानकारी दिएका हुन । महोत्सव खासगरी चेम्बर अफ कमर्सको भवन निर्माण लागि आयोजना गरेको घर्तीले जानकारी दिएका थिए । त्यसका साथै भिजिट नेपाल २०२० मा सरकारले देशभरी महोत्सव लगाउने तयारी गरेको भएपनि कोभिडका कारण सफल हुन नसकेकाले अहिले केही ठुला ठुला कार्यक्रम भईरहेको हुनाले आफुहरुले पनि तुलसीपुरलाई चिनाउनको लागि महोत्वसको आयोजना गरेको घर्तीले बताएका हुन् ।अर्को तर्फ कला, संस्कृतिको क्षेत्रमा रुची राख्ने ग्रामिन क्षेत्रका पहुँच भन्दा बाहिर रहेका कलाकारहरुको प्रतिभालाई प्रमोट गर्नको लागि र लोप हुन लागेका कला संस्कृति, पर्यटन क्षेत्रहरुको संरक्षण गर्नुका साथै कृर्षी क्षेत्रमा उत्पादन भएका चिजहरु प्रर्वधन गर्नको लागि सहयोग मिल्ने समेत उनले बताएका थिए। महोत्सव सकिएको दुई हप्तामा भित्र पारदर्शि तरिकाले एक रुपैयाँ पनि दायाबाया नहुने गरी पत्रकार सम्मेलन गरेर महोत्सवबाट भएको आयव्य सार्वजनिक गर्ने चेम्बर अफ कमर्सका सचिव ऋषीराज भण्डारीले पत्रकार सम्मेलन मार्फत जानकारी दिएका थिए । त्यसैगरी महोत्सवबाट उठेको केही रकम बोर्डको सल्लाह अनुसार सामाजिक काममा लगाउने उनले बताएका थिए । महोत्सव संचालनको लागि विभिन्न १५ वटा उपसमिति गठन गरिएको छ । कार्यक्रमको संचालन चेम्बर अफ कमर्सका महासचिव प्रेम प्रकाश गिरीले गरेका थिए ।
